بقلمي:- لسه الأمل فيكي
سنك يادوب عشرين
والحزن بي كبر
متكتفه اليدين
والحبل مستنظر
ظلموكي بين اتنين
خداعوكي بالمنظر
أخرت سوكاتك إيه
دا الصمت مش ليكي
هو الغلط ف الزمن ولا الغلط فيكي
متقيده بقيود
وحزنك ملوهش حدود
وعودك محليكي
شايفين قيودك خجل
والصمت أصبح ملل
وغناكي يكفيكي
صاب اللسان الشلل
وبرغم كل العلل
لسه الأمل فيكي
هو الغلط ف الزمن ولا الغلط فيكي
دمعك بينزف دم
والصبر اخره حدود
مين شايلك بالهم
أصبح كلامك عود
ولا حد بيكي إهتم
ولا حد فك قيود
ولا قالو عوافيكي
هو الغلط ف الزمن ولا الغلط فيكي
صعبان عليا غناكي
مزيكا من غير صوت
عاشق وداب ف هواكي
يا ام القيود جباروت
كان نفسي أبقي معاكي
والحب اخرته موت
عاشق وداب ف غناكي
وغناكي مش ليكي
هو الغلط ف الزمن ولا الغلط فيكي
يا ام القيود ليكي ربكه
ف القلب ملموسه
من أمتي كانت الضحكه
ف البنت محبوسه
ربط القيود والحبكه
مش وصف معاليكي
هو الغلط ف الزمن ولا الغلط فيكي
يا ملاك بيدفع تمن
مين بس شاريكي
اسف بقينا ف زمن
معرفش يحميكي
وبرغم كل المحن
لسه الأمل فيكي
هو الغلط ف الزمن ولا الغلط فيكي
( لسه الأ
مل فيكي) بقلمي:- عويس أبو الجود أحمد جاد
وشهرتي صابروراضي
ليست هناك تعليقات:
إرسال تعليق