احكي ياقلمي وبوح
احكي ياقلمي وبوح..عن قلبي اللي بات مجروح
احكي عن سوربا.عن حظها وحالها
عن شعبها المدبوح
عن جرحها اللي بات مفتوح.
احكي عن أطلالها عن مصابها الجلل
احكي عن أرامل .من غير ذنب اترملوا
وشبابها في الكارثة رحل
عن يتامي في لحظة غدر اتيتموا
عن ثكالي خسروا بيوتهم.وفلذة أكبادهم
عن شعب اتظلم
احكي عن المشردين.والبائسين واليائسين
في الشوارع .في الدروب.في الميادين
لا بيت يسترهم ولا فيه مكان أمين
يتحاموا فيه من غدر الزمن
احكي عن المكلومين.عن المرعوبين
من غدر الطبيعة من المطر والبرد
احكي عن الموجوعين اللي فقدوا
الدفا والحبايب وحضن الاهل
احكي عن الموتي.عن الجرحي
واللي لسة في الدنيا متعلقين
احكي عن شعب بائس وحزين
عن شعب مشرد في كل البلاد لاجئين
بسبب زلزال أبله غشيم ومهين
احكي ياقلمي وبوح
عن شعب تحت الركام اندفن
من غير وداع.ومن
غير حتي الكفن
بقلم/جرجس فرنسيس
ليست هناك تعليقات:
إرسال تعليق