حاولت أرجع
***********************
كل ما أقول أرجع تاني
اللأقي العمر عدا . وفات
والزمن مبقاش هو زماني
والجسم من الهم أتهد ومات
حاولت أتظاهر زي الشباب
وأرجع تاني لأيام صبايا
لفيت رجلي مابتخطي عتاب
والهم قايم ونايم معايا
وبالهم وكتر والفكر مبلي
ولا يوم فيه البال مرتاح
لما مشيت وضهري محني
من زمن قاسي دباح
حاولت أقف تاني وأرجع
وأنسي شويه الهم والأحزان
وأفوق وأبطل عيشت التوهان
وأنسي مر الزمن اللي بيوجع
زمن مشربنا الدم وطفحينه دردي
زمن قاسي قلاب نازل فينا جرح
زمن جافي بياخد منا ولا بيدي
زمن غدار وبسكنته نازل فينا دبح
زمن معجزنا وحوجنا لمد الأيد
لما كسرنا وزلنا للغريب والقريب
وكرهنانفسنا وكمان العدو والحبيب
زمن معيشنا عيشة المهموم الشريد
*******************************
بقلمي
شعبان الخضراوي
شاعر عاشق الأحزان
2023/2/2الخميس
ليست هناك تعليقات:
إرسال تعليق