لو غلطواأصحابك
*********************
لو غلطوا فيك أصحابك
أنسي وأرمي ورا ضهرك
أما لو غلطوا فيك خواتك
أعرف أنها بداية قهرك
بس خليك معاهم مسامح
ولا تسمعهم منك العيبه
ولا أي لفظ مهين جارح
ولاتهنهم في قاعده ولاغيبه
وأوعب شيطانك يغشك
وبوسواسه عليهم يوزك
وتبعهم في لحظة غضب
وتخسرهم وتخسر عشك
أعمل حساب أمك وأبوك
اللي علي وصاياهم ربوك
ولو في قبورهم نايمين
أوعي تبيع أختك وأخوك
خلي قلبك دايما صافي
ونفسك راضيه وتسامح
حتي لوقلبهم عليك جافي
خليك كريم أنت وأتصالح
وخلي قلبك دايما كبير
ولاتكون جافي وقاسي
وأنسي أي فعل حقير
من أخ ولو كان عاصي
آكراما لشهر كريم . عظيم
خليك دايما مسامح حليم
وأنسي أي جرح وأسيه
وماتبقاش خبيث ولائيم
داأحنا في شهر الغفران
شهر فيه العفو والتسامح
شهر التراويح والقرأن
ممنوع فيه كلام جارح
رمضان بيجي مره كل عام
لا..صوم فيه مع نميمه
اربط لسانك عن الكلام
وكفايه مسك غيبه وسيره
رمضان بيجي ضيف خفيف
خليك معاه لطيف وظريف
وصومه بتقوي وخشوع
وكون مسامح قنوع وعفيف
رمضان شهر صوم وتراويح
مش كلام كله تجاريح
فعود لسانك علي العفه
تلاقي طريقك كله تفاريح
************************
بقلمي
شعبان الخضراوي
شاعر عاشق الأحزان
2023/3/25السبت
ليست هناك تعليقات:
إرسال تعليق