قصيدة
(((( أتسند علي اخوك ))))
أتسند ع اخوك و خطي
أتسند ع أخوك و عدي
الحياه لو لحظه عيشها
بس كن قد التحدي
أتسند ع اخوك وقاوم
و أنصحك تصبر قوي
لاجل م الازمه تعدي
وأنت أجمد وأنت أقوي
بكره نشرب شاي وقهوه
والحياه تحلي و تحلي
أتسند علي أخوك وقاوم
المرض والجهل وأمشي
أزمتك مش عيش وهدمه
ازمتك حب وضمير
و اللي زاد بينا وتفشي
زيف و غش وده كتير
أتسند ع اخوك وعيش
وأبني بالايمان و علي
وأرفع الطموحات لفوق
وانت ايدك سانده أخوك
شد حيلك شد ضهره
و أنت جنبه و هو جنبك
أتسند ع اخوك وقاوم
لو في ليلك أو نهارك
أتسند ع اخوك يعينك
أصله من دمك و طينك
وأجعل الأذان أيمانك
قبلتك و انت في صلاتك
كلمات الشاعر/السيد علي القن
ليست هناك تعليقات:
إرسال تعليق