قصيدة كتبت اثناء وجودي علي الجبهة في العاشر من رمضان السادس من اكتوبر73
بعنوان ابطال العبور
احنا النسور..ابطال العبور
اولاد مصر..صناع النصر
وقفنا وطالت وقفتنا وطال الصبر
وزاد طعم مراره علي العلقم المر
عايزين يوم..فيه نقوم
نضرب ونهجم.. ندمر ونهزم
اعداء السلام والوطن والحرية
زارعين الالام في صدور البشرية
وكانت اشارة من ايد بطل
قال لنا هاتوا لمصرالامل
انتوا النسور..ابطال العبور
انتوا الاسود..اولاد الاسود
ادي الاشارة.ياللااضرب
ياللا اهجم بعد ماطال عليك الصبر
ياللا اضرب ياللا اعبر
ياللا هات لبلدنا النصر
وكانت اشارة من ايد بطل
قال لنا هاتوا لمصر الامل
وهتفنا نكبر..الله اكبر
ونصبنا الجسور..وبدانا العبور
وفضلنا نضرب.. وعدونا ىهرب
ومشينا علي ارض سينا حاضنين السلاح
ومسكنا ارواحنا بايدينا ونسينا الجراح
وحلفنا نرجع كل بسمة
ونخلي بدل الدمع افراح
دااحنا النسور..ابطال العبور
اولاد مصر صناع النصر
واحتضنا ارض سينا..في لحظة ما وصلنا ليها
ومزجنا ترابها بدمنا ومزجنا بارودنا برملها
عبرنا جسور الشوق ليها والحنين
عدينا بحور الخوف ليها والانين
حطمنا خط بارليف الحصين
ورسمنا البسمة علي كل ثغر حزين
وكنت اشارة من ايد بطل
قال لنا هاتوا لمصر الامل
انتوا
النسور ابطال العبور
انتوا الاسود اولاد الاسود
بقلم/جرجس فرنسيس
ليست هناك تعليقات:
إرسال تعليق