بين الحياه والموت
*************
بين الحياه والموت بتشدي انفاسك
وانا ابنك المغصوب حبيت على راسك
رضيتي ليه بالذل ومشيتي زى الكل
عشقتي ليه الجفا ضيعتي احساسك
والقسوه بقيت طبع والنيل هرب م النبع
والضحكه اللى ف عيونك اتبدلت بالدمع
شربت فيكي المرار وبتعشي انا بالصبر
ولا مره تاخدي قرار الا وآخره الفقر
بتبصي ليه للغريب وبتفرديله طريق
وف بحرك انا تايه سيباني جواه غريق
يابو القليب مجروح راح تاجي ولا تروح
ولا المشوار طويل والحزن فيه بيبوح
يا ضفتين النيل يا غرقانين مواويل
يا بحر قول للهوى مليت وطال الليل
والدمع صاب العين وشربت فيكي الويل
وياريح ضربتى الجبل وهزيته وعليل
*************
عمرو تمساح ابوسفيان
ليست هناك تعليقات:
إرسال تعليق