..............فرض عين.........
بكره تندم عاللى ضاع
وأما ترجع ليا تانى
مش هتلقى غير خداع
مش هتلقى قلبى فاضى
م الوجع او م الصداع
قلبى حبك وانت حافظ
كل اصناف الوداع
بكره تندم عاللى ضاع
مش هاقولك تانى ترجع
مهما كان جرحك غويط
مش هاحط الزينه وافرح
وانت بتقص الشريط
قلبى فاق منك ورافض
انه يفضل يوم عبيط
ياما جالك واشتكالك
وانت حتى ماخدت بالك
كان فى نفسه تحس بيه
او يلاقى جوا منك
حب اكبر م اللى فيه
كان بيحلم يلقى روحه
بس ملقاش غير جروحه
جوا منه بترازييه
مش هاقولك مره تانى
ان انا فى حبك انانى
وان قلبى يوم ماحبك
كان بيرسم فى الامانى
كان بيتمنى الحياه
كان بيرقص رغم جرحه
لما بيحسك معاه
كان بيغنى من الااامه
كان بيدعى وللاله
انه يفضل حبك انت
فرض عين زى الصلاه
مش هاقولك تانى عاوزك
وان قلبى رغم غدرك
لسه عايش وفى هواه .............
اشرف
الشناوى
شاعر عاميه
المنصوره
البرامون
ليست هناك تعليقات:
إرسال تعليق