بقلمى انا الشاعر
د/عزت القليوبى
♡♡مغرور ♡♡
خلينا أمال على نور. وبلاش ياواد انت غرور
ماتكونش مفكر يعنى انك فى الهوا دكتور
خلينا أمال على نور
نورنى ان كنت شارينى او بايع برضو تقول
اصل اللى يحب ياعينى. بيبان فى عنيه على طول
وان كنت مفكر يعنى حتلف قوام وتدور
أطمن مانت عارفنى. فى الهجر بقيت دكتور
خلينا أمال على نور
ازاى حتلف علينا وتدور من غير اسباب
واللى كتبناه بعنينا. ودموعنا يكفي كتاب
وإذا كنت نسيت ايامى. وبنيت م الوهم قصور
بكرة ح تندم ياغرامى. ونشوف مين المغرور
خلينا أمال على نور
ياخساره عليك ياغرام. لما بتصبح اوهام
وعليك بتهون العشرة وتبددها الأحلام
والعشرة دى مش شئ هين. ح تعيش بجناح مكسور
بكره الأيام حتبين. والضلمة حتصبح نور
خلينا أمال على نور
بقلمى
د/عزت القليوبى
22/1/2023
ليست هناك تعليقات:
إرسال تعليق