شوية هم
شوية هم مضروبالي
في الخلاط
وسقياني الحياة منها
كده بسكات
واقولها هس وكفاية
تقول اخرس
يادنيا ليه كده معايا
تقول خلص
انا نفسي في ضحكايا
دنا برفص
بتيجي عليا بقاسية
وحياتي شياط
في وسط الزحمة
تختارتني بكيف ومزاج
وترسم علي الجبين
بختي خطوط زجزاج
انا من شوقي لسعادة
بقيت انفاق
تعدي منها وتعاود
كأني بساط
شوية هم تبحترني ولا
بتلم
شوية هم مضروبالي
في الخلاط
وسقياني الحياة منها
كده وبسكااااات
وهاتها جمايل يارب
شاعر الحار
ة المصرية
صلاح سليمان
ليست هناك تعليقات:
إرسال تعليق