الصح فين ... ؟!!
يا للي قلتوا الصح أهه
كان مزوق بأحمر وأخضر
واهو لونه راح وماعدش جه
روحوا بعيد عنا بطباعكوا
دوقوا مرة م الحلو ده
يا غريب فارقنا الله يعينك
من غير خصام بيننا وبينك
لا وشكراً وبلاش نصيحتك
من غير عتاب منا يدينك
وكفاية منك كل اللي فات
ظهرت نتيجته قدام عيونك
كات نتيجة من كلامك
وإحنا أهل كرهنا بعض
كنا بنستنى النتايج
والغلط مش آخره سعد
وإللي يغلط م يقولش آسف
والزمان كان كله بُعد
يا إبن عمي دا إنت دمي
و المحبة لأ مش الكلام
شوف طباعنا الغايبة عْنا
فين المودة و السلام ؟!
والغريب م في منه فايدة
و بكده ح ننهي الكلام
_______________________
المهندسين في ٧ /١/ ٢٠٢٣ م
الصح فين ...؟!
زجل من تأليفي
هشام علي
_______________________
ليست هناك تعليقات:
إرسال تعليق