شاهد علي العصر
في أم الدنيا مصر
برج في الصحراء
بدل مليون شجرة
أو مصانع في شبرا
والفقر بيعصرني عصر
شاهد علي العصر ....
طرق و مدن و كباري
الكل بيها داري
كلفتنا مصاري
ما لها حصر .....
شاهد علي العصر .....
يرضي مين يا رب
برج في وقت الحرب
علي فقر و بطالة و غُلب
منين هييجي النصر ؟؟
شاهد علي العصر ....
بنافس برج دُبي
و بترولهم ماله زي
و انا الفقر بيكويني كي
و العشة أسميها قصر .....
شاهد علي العصر...
ليه الحكومة عازمة
تعمل أزمة من غير لازمة
و الفقير مش لاقي جزمة
و من حبه لبلده يبكي
يقول : أنا ضد الكسر ......
شاهد علي العصر
نبني ناطحة سحاب
واحنا بنحارب الإرهاب
والناس بقي حالها هباب
من شدة الضيق و العسر .....
شاهد علي العصر
سؤال لمن يهمه الأمر
هو احنا أغنيا
ولا بنشكي من الفقر ؟؟
نبني برج و الناس
قابضة علي الجمر
و من إيمانها تقول :
إن بعد العسر يسر
شاهد علي العصر......
★★★★★★★★★★
د/ عمر عبد الجواد عبد العزيز
ليست هناك تعليقات:
إرسال تعليق