عبيت من حبرات شرياني
ريشة قلم احساس إنساني
ينزف على لسطور صرخاتو
زلزال من لحظات بكاني
دمر مدن بكفوف ضرباتو
مشهد طفل بعيون حزناني
ما شاف أهلو بين نظراتو
تخمين صارو بعالم تاني
كومة بشر بالردمات برداني
أديش قلبي زاد حسراتو
كم في جسم ما بين ساعاتو
طل الفرج وهيك أحياني
هيدا بلا من فيض حكماتو
هيدا أمر من فوق رباني
يا رب رحمتك ولطفك
بالناس يلي تحت علقاني
علي شمس الدين
٩/٢/٢٠٢٣
ليست هناك تعليقات:
إرسال تعليق