..(( رباعيات مواطن ))...
أنا مين ؟؟
أنا العاشق ...لترابك
وواقف علي أعتابك
واحد من جنودك
حارس حدودك
و حالف يرجعلك شبابك ...
أنا واقف و مش خايف
و لحدودي ديماً عارف
شايف اللي في سكته ماشي
و التاني اللي ماشي مخالف ....
أنا اللي طول عمري صابر
علي جرحي و عمال أكابر
لاجل ولادي و بلادي
و جرحي في قلبي غائر .....
أنا اللي ديماً بدافع
عن حبيبتي و رايتها رافع
أنا الحاضر أنا الغائب
و غيابي . معدش نافع ......
أنا الراضي بالمكتوب
و في الشدة أنا المطلوب
ماشي معاكي علي هواكي
و رافض أبات مغلوب .....
أنا اللي باني قصر الشوق
من مشاعري بقيت مخنوق
لا أنا. خايف من الموت
و مش قادر . أعلي الصوت
و لا عارف أفك الطوق .....
أنا الذكري أنا بكره
و من حظي بقيت نكرة
إمتي ييجي دوري
و حبيبتي تبقي ليا فاكرة ؟؟.....
★★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق