(ايام الطفولة)
….. … .. …… . ..
كون بس يوم ارجع ليام الطفولة
مدلل و مامحسوب كلشي الاكولة
كلي واهس ألعب بالدنية جولة
عقل جاهل من كلشي يعذروني
الطفل قاصر معذور من يفعل ذنب
كلشي طايح للطفولة ما ينحسب
يزعل و يرضا بدون غاية ولاسبب
واطلب شريدن منهم وينطوني
ينطون ايخطر ابالي و شريد
فاهم ذكاء عندي ولا اني بليد
العقل خام زين وبعدة جديد
بس كون مرتاح همة يشوفوني
من. اضحك عيد عند اهلي وفرح
اشوف بوي من الفرح صدرة نشرح
وكل الزعل بين ابوي وامي نصلح
تصير عدهم سوالف و ميسمعوني
وتبدي بينهم تتبادل نظرات المقل
و ينساب كلام افواهم چنا عسل
وراح كلشي و نتهى و فض الزعل
وانا منهم بس تجمع اسرار عيوني
ما اسمع كلامهم نظرات وهمس
كامو يعيدون يذكرون ايام العرس
اي جلمة ابالي ما قول خاف نعلس
و خايف من احچي يبسطوني
اذا. حچيت امي تاخذني بالحضن
وبوي يعمر جكارة يظل يشرب تتن
وهذاك اليوم صار جهنم ما ينعسن
اسكت احسن بعد خافن ايكرهوني
اكرم عبد الحسين
ابو ع
بدالله
9/1/2023
ليست هناك تعليقات:
إرسال تعليق