أتحدوا .. ياموحدين
****************
الدين ف الاصل مش كلام
أحنا بقينا به تجار
حتى فى قراءة القرآن
شوف القارئ مقاولته كام
الأسم بس أمة أسلام
بندعى ننول الجنة
وأعمالنا تودى النار
الدين أساسه المعاملة
وأحنا أعمالنا بالخيبة شاملة
من أفعالنا أتأمل كدا حواليك
تقول ياريتنى للدنيا ما جيت
لو ورا كل جدار أستخبيت
الفحش بالهوا بيدخل كل بيت
والله يافحش نت ودش ماخليت
من قريب والا بعيد
الفجور بنا يوم عن يوم بيزيد
كأنه بقا لينا قدر ووعيد
أزاى يبقا فيه بس تغيير
واحنا على دينا ورسولنا مش بنغير
بجد بجد الواقع بقا مرير
بنقدم تنارلات عشان نبقا مشاهير
الراقصة بقيت قدوة ده كتير
الحرام هزم الحلال الكل بقا آثيم
الدخان والمخدرات بقوا لينا نسيم
بندور بوجودنا على شئ جميل
القلب م الحقد والغل بقا عليل
ليه لأ والغنى ع الفقير بخيل
الأقصى لحد الوقت لسة أسير
الأقصى بيصرخ واحنا مش سامعين
واقعنا بجد بقا وحل وطين
حروب أهلية والأسم مسلمين
الغرب بيلعب بينا واحنا غايبين
الحروب الصليبية مستمرة يابنى آدمين
عن طريق غزو أفكار وبقوا نجاحين
فوقوا واتحدوا ياموحدين
*****
******************
بقلم
عادل جاد
ليست هناك تعليقات:
إرسال تعليق