////////+++امثى تعود لقلوب+++////////
مال الجورة شاعلة عوافي
ياللي تحفر ليا نحفر لك
لقلوب انسات سر لمطافي
وافين هذ لعقل غادي بك
امثى تعود لقلوب صافية
مايبقى نفير ياهذ العربي
وتعود للاصل محبة دافية
لا لا ماتتالم ف دربي
وتعالى انشعلوا قنديل
يصحى قدامنا سر التكبير
مانشعلوا نار مانزيدوا شعيل
ترجع للكون سرار الخير
ويزول من اقلوبنا كل ضيق
نطويو حصيرة كل لحقاد
مايبقى بينا بغض وحريق
يرحل منا وسواس لعناد
مال الجورة شاعلة عوافي
ياللي تحفر ليا نحفر لك
لقلوب انسات سر لمطافي
وافين هذ لعقل غادي بك
بقلم صقر الحروف الزجال المحجوبب بوسبولة
ليست هناك تعليقات:
إرسال تعليق