........ الدوامة .........
بقيت خايفه قوي منك
وحاسه أنك واحد تاني
غير اللي عرفته وعشقته
بقلبي وروحي وكياني
بتتعصب ومش للحق
وتهملني وتنساني
ولو فكرت فيك مرة
بتتحجج يطول بالي
وأبات بالدمع والحسرة
علي نفسي وعلي حالي
خلاص فاض بيا مش قادرة
أكدب تاني وجداني
خيانتك ليا شئ واضح
وكانت العزة وخداني
أصارحك باللي انا عرفته
وأسامحك ياعزيز غالي
وأقول ياما البشر تغلط
وأديك فرصة ترعاني
لكن مره و١٠٠ مره
كرامتي بجد وجعاني
خيانتك ليا خلتني
أفوق والحزن عنواني
ومين غيرك يصبرني
أو المفروض يكون تاني
خلاص خلصت حكايتنا
حكايت مر خلاني
هعيش بكره مع ذكرى
من الآلام وأحزاني
مع قلبي اللي طاوعته
وفي الدوامة وداني
بقلم .. ياسر ف
ؤاد الجدي
الجمعة .. ١٩/٧/٢٠١٩
ليست هناك تعليقات:
إرسال تعليق