الشاعر الاديب القدير شرف الدين فاروق أحمد قصيدة وأهو ضيعني المحررة هيلين شيشكلي

(((((((( 🌹وأهو ضَيّعني 🌹)))))))))
لما قالولي حبيبِك سابِك
قلت ساعتها من ورا قلبي.....طب إيه يعني
وأما قالولي إقفلي بابِك
إنسي غرامه ودارى وخبي.....قلت دا باعني
قلت أكيد من غير تفكير 
                            لازم يبقي فيه تغيير
يوم والتاني وقلبي عاندني
                                      وقال دا كتير
قاللي إكمني غرامه أسرني
                                    وبُعده وجعني
قلت لقلبي...........لما تحن
                                        هاتضّيَعني
وأهو ضَيّعني
❤  ❤  ❤  ❤  ❤  ❤  ❤  ❤ 
سابني وراح له وماسمعنيش 
                  قال من غيرُه صعب أعيش
قلت لقلبي الناس بتلومني 
                     قاللي قرارِك راح يظلمني
قلت براحتك بس خاصمني
                قاللي كفاية في حبه هاعيش
قلت أكيد من غير تفكير 
                            لازم يبقي فيه تغيير
يوم والتاني وقلبي عاندني
                                     وقال دا كتير
قاللي إكمني غرامه أسرني
                                    وبُعده وجعني
قلت لقلبي...........لما تحن
                                        هاتضَيّعني
وأهو ضَيّعني
❤  ❤  ❤  ❤  ❤  ❤  ❤  ❤
قلت كتير بكلامي وصمتي 
             قلت ياقلبي إحفظ لي كرامتي
لازم نبعد وقت خصامنا         
                          لما يحس بإنه ظلمنا
سيبه يحس في يوم بألامنا
            قاللي مايمكن إنتي اللي ظلمتي
قلت أكيد من غير تفكير 
                            لازم يبقي فيه تغيير
يوم والتاني وقلبي عاندني
                                     وقال دا كتير
قاللي إكمني غرامه أسرني
                                    وبُعده وجعني
قلت لقلبي...........لما تحن
                                        هاتضّيَعني
وأهو ضَيّعني
❤  ❤  ❤  ❤  ❤  ❤  ❤  ❤
الشاعر  🌹 شرف الدين فاروق أحمد