اللي صان
*************
بين السهول والجبال
وأنين وصرخات العيال
والشمس اللي مروحه
حتي الغسيل فوق الحبال
اغسل ضفاير شعرها
وادفع بعمرك مهرها
واياك تخاف من صوت جبان
اقتل شيطانك روح لها
بكره اللي جي معاها احلا
صدقني ما تقولشي دي كحلا
وان كانت الايام عوج
راح تتعدل وياك وتحلا
يلي الزمن طرطش عليك نار الوجع
وغدر بضحكك ف الطريق وساب عينيك وقام رجع
كمل ومتخافش من المجهول
حاول مع الايام هتلقي حلول
وان عدي عليك الحزن ف السكه
هتلاقي غيرك ف الحزن دوم مشغول
شاور علي قطر الفرح تلقي
تلقي هواها طرح وسط الهنا تبقي
ياه ع النسيم لما يهب ف مركبه معدوله للساري
تلقي الحبال ويا الشراع وسط الهوى
ف الزحمه بتباري
بحلم ويمكن يوم الحلم يتحقق
امشي معاها لوحدنا وقلبي راح يخفق
وتحسي بيا يابلد من تاني ع الأغصان
وتقولي ابني اللي صدق اه
و هوه دا اللي صان
****************
عمرو تمساح ابوسفيان
ليست هناك تعليقات:
إرسال تعليق