الأديب الكبير الشاعر أحمد التبيني قصيدة بعنوان… ورقتي المحررة هيلين شيشكلي

( ورقتى )
شعر :أحمد التبيني
ياورقه ليكى سنين
لا خضره ولا نيله
ماتقعى بقى ع الأرض..
عايشه لمين قولى
والسعد مش لينا
فرح الشباب انفض..
مسنوده على غصنين
مانعين ندى عنك
ياورقه يلا اسقطى
والله احسن لك ..
حتى الشباب ف الهوى
لحفك وخلاكى
تصفرى..فين الدوا ؟!
ومين حايرعاكى ؟!
ياورقه مش ح أكفر
طيب خلاص راضى
ولا ح اشتكى من القدر
ولا دنيا بتعادى
ح اسجد واقول يارب
لو قلبى فيه الحب
والوقت مش وقتى
عجل يارب بكن
تقع بقى ورقتى

      ********