الحلم
بقلمي يحيى حسين
طول عمري بستنى حلمي
كأني واخد ميعاد معاه
كل يوم أصحى عشانه
وأستعد لفرحة لقاه
فجأة جيت يا ناس لقيته
خلاص خلاص راح العذاب
لقيت حبيبي فرح عمري
رجع خلاص بعد الغياب
حضنت حلمي
جوه الضلوع
قد إيه حلو الرجوع
قد إيه حلو حضنه
قد إيه حلو الحنان
قد إيه وانت خايف
فجأة بتحس بأمان
تلقى نفسك فجاة طاير
هناك بعيد فوق السحاب
تلقى قلبك فرحان بيضحك
نسي خلاص مر العذاب
قد إيه في الفرح عايم
قد إيه في حلمي هايم
بس يا خسارة ساعاتها
للأسف أنا كنت نايم
يحيى حسين القاهرة
25 ديسمبر 2018.
ليست هناك تعليقات:
إرسال تعليق