العنوان / أنا والسنين والشيبه
شعر / محمود فاروق النجار
......
كل ما أرجع بالسنين
عشان أدور علي نفسي فيها
ألاقي نفسي لساها كمان بتدور
والسنين بتجرًي بيها
وكل واحد جواه متاها
مكتوب له يحضن لياليها
ملامحه فيها غير الملامح
والخطاوي مش قادره تفاديها
والشيبه
أهي رسمت علي روسنا شيبه
كبرتنا وسلمنا ليها
والسنين عماله تاخد
مش قادره تشبع
وإن مدت إيديها
بتقول كمان بنديها
وإن قولنا نرجع للي فات
يمكن نلاقي حد فيها
شايل لينا ذكريات
ولسه باقي ع اللي ليها
يمكن نلاقي
قلب تاني ولسه باقي
ومش ناسيها
يمكن عشانه تحن السنين
وتسيب لنا حبة ليالي
نسكن أمانيها
يمكن نلاقي
شي لسه باقي
يحضن قلوبنا ويداويها
وكل ما أفتكر اللي فات
بيبكي قلبي لياليها
ويتمني يرجع بالذكريات
وأحنا لسه أبرياء
ويستني العمر فيها
ومرت سنين العمر تجري
والشيبه طرحت ع الوش زرعتها
والخطوه بتجر ف الخطوه
بتعافر عشان تمشي
وتحس بزمان خطوتها
والعود اللي كان قوي
صبح هش وكمان إنحني
والدنيا لسه عافيه
مبقاش قادر علي وقفتها
والزمان مسبهاش
وغير ف القلوب
والمحبه من النفوس
أهي كمان شالتها
ورسمت ما كانها
غيره وكِبر
وبقا لون القلوب
من لون ضلمتها
نلوم ع الناس
وألا ع الاحساس
وألا علي الأصل اللي تاه بين الناس
وألا النفوس اللي بدلتها
وزرعت تراب مكان الماس
ورفعت الف فاس
وعلي الراس وشقتها
ده ياما في ناس
تشتال علي الراس
وبتحتار القلوب ف رقتها
وياما في ناس
زي المُر ف الكاس
وع والوشوش رسمه محبتها
وياما وياما وياما
ياما الدنيا قلابه
جابت كتير من ناس
وياما ناس فرقتها
شابت قلوبنا خلاص
وشموع الود طفتها
وااقرب طريق
ندوس الناس
والف غريق
ما تموت الناس
يضرب الارض بالفاس
وينداس
واخد أنا زرعتها
وأنا مالي
ما هي أصل المحبه خلاص
والود بين القلوب
كانت طبول ورقصنا علي غنوتها
واللي باقي بين النفوس
يادوب
حبه من المحبه
واتنازلت كمان وسابتها
ومرت سنين العمر تجري
وبقينا خلاص
قلوب متفرقه
وزرعه الود ماتت
واللي كان باقي بين الناس
نقطه ف البحر
وليالي الجفا كمان شربتها
نلوم ع الناس وألا ع الزرعه من الأساس
وألا علي الضهر اللي إنحني
وعمر ضاع ومشفش سكتها
كل شي ول
ه أخر
والليالي والسنين شابت
أهي جابت من الأخر
وزرعه الود جفت
والقلوب ماتت
والمحبه بين القلوب
وقفت خلاص ساقيتها ......
ليست هناك تعليقات:
إرسال تعليق