...((ملعون يا سكوت ))...
إياك يا فقير تعيا....
ياريتك يا فقير تموت ......
حياتك ملهاش معني....
إحنا غلابة بين ديابة وحوت
و لا حتي تقول إشمعنا....
الغني في الحديد يفوت
من الوعود ياما شبعنا ....
ملعون أبوك يا سكوت
إياك يا فقير تعيا....
ياريتك يا فقير تموت
سبحان من جمعنا ....
و الكل فينا يشوط
مستشفي ما بقت تبعنا ..
صارت تخصصي بنقوط
و حتي من العام إتمنعنا ..
و قالوا عليك هلفوت
إياك يا فقير تعيا.....
ياريتك يا فقير تموت
ضروري الكل يسمعنا ...
و بالشكوي نعلي الصوت
حقنا في علاج أوجاعنا ...
بين الخطوط مربوط
اليأس ماعاد ينفعنا ...
و لا ينفع في دينا قنوط
إياك يا فقير تعيا.......
.ياريتك يا فقير تموت
مكانك يا فقير معنا ...
و أنا حلمي مش هيموت
في مستشفى عام تعالجنا..
في البلد ..... مشروط
و لو سلسلوا خطوتنا ...
أنا لسه ..... فيا الصوت
إياك يا فقير تعيا.......
.ياريتك يا فقير تموت
محدش يا فقير فاضيلك
و لا حد في بلدنا واعيلك
من قلبي يا فقير بدعيلك
يرحمك ربنا .....و تموت
★★★★★★★★★★
د/ عمر عبد الجواد عبد العزيز
ليست هناك تعليقات:
إرسال تعليق