حكاية
***********
حكاية ع الربابة
هيحكوها الرجال موال
على الجدع اللى كان عايش
بيبكى بس عامل عال
بكى بدمعه وقال يا أمه
لكن أمه خلاص كانت عليه قسيت
حكاوي الخلق مالية السوق
وكله لذنبه بكره يدوق
سنين وايام قوام بتدور
وقرب يتنفخ ف البوق
وانا القلب معاي يمكن يكون غافل
لكن عن ذكره ما يغفل
وبدعي ربنا بالستر
وطمعان أنه راح يقبل
انا القصه اللى راح تنطق قوام ع السطر
وانا اللحظه اللى راح تفرق لباقى العمر
مبهتمش بقيل وقال
ولا بسالش عن أحوال يكون ساتر عليها الرب
كفايه ف الخلايق غلب
على دماغ الليالي تقال
معاها الحزن نازل دب
يا دنيا يلي لفوكي بتوب الغدر
بتدى للرجال ضهرك
ونسوانك بتاخد الكدر
لكن صابر على مرك
وبعمل من مرارك حبر
ومش ههتم لو امرك
على روحي بيعصر جبر
**************
عمرو تمساح ابوسفيان
ليست هناك تعليقات:
إرسال تعليق