دللول
جن امي مو اكبالي الجاي
جاي العروسة وشكلة معسول
بي صورة امي السهرت الليل
وجن نغمة منها وصوت معسول
هسة بعدت صارت حدر التراب
اوبعد لا اسمع ييمة اولا دللول
اخبارها انكطعت والقلم ضاع
والكبر غير محاسن ذيج الشكول
الدللول ايذكرني ابحظن دافي
والجنة ماتت دار اثنعش حول
كل حول ايكبرني ابعمر سنتين
بية شكد مصايب كامت اجول
ابخيالي اتعيش وساكنة الروح
وصرت انا العليها او الها مسؤول
من انام احس اتجيني بالليل
الحلم ابظرف لحظات ميطول
ماتحجي اعرفها من العيون
وحس بيها وفهم منها شتكول
لو راحت تكلي يبني الله وياك
ولا ردن ساكت جني مشلول
افز ودور جن لاذت بالاكتار
اويحسرة كلشي بوجهي مقفول
وكمت انطر وتاني منها الحلام
بنظرة احس يهود البال مشغول
وكل للمكبرة حرام خايبة شبيج
يردون اهنا لو بعد سفرته
م اطول
لا سفرتهم اطول
ابو عبد الله
ليست هناك تعليقات:
إرسال تعليق