حُب الناس
مشيت طريق طويل شوفت حاجات كتير
شوفت ضلمه ونور وعالم مسحور
وناس رايحه وجايه
ناس نورها باين زي الزهور ف البستان
وناس زي الصبار على طريق الشوك
مر ومرارته حنضل وآخره هلاك
خلي بالك ثلاثه أعداءك
النفس والهوى وثالثهم الشيطان
أعداء بني الانسان معاه في كل مكان
دنيا مناظر وكتير م الناس غاويه مظاهر
فيها الغني دايما لاهي والفقير مش لاقي
وناس بقلوب بتحب وناس ملهاش ف الحب
واللي غاويها يلاقي دهب وفضه وماس
وف الآخر يقولك بيباي وخلاص
الدنيا ساعات وسنين بتتعد
مش هتاخد منها غير كلمه حلوه وحب الناس
ولقمه هنيه وعمل صالح يقربك من رب الناس
وهدمه تسترك يوم رحيلك على أكتاف الناس
ازرع الحب تلاقيه جوه قلوب الناس
ابراهيم محمد آ دم
ليست هناك تعليقات:
إرسال تعليق